Om Veksthågån

Bøverdalen Veksthågå er ein liten markedshage i Lom, som dyrkar usprøytte grønsaker og blomar for salg lokalt.

 

 Markedshagen blei starta opp og hadde sitt fyrste produksjonsår i 2022. Arealet har sidan vorte gradvis utvida, til ca. 1,5 dekar.

​

Markedshagen blir dreve av Ingvild Visdal Aukrust, som er oppvakse på garden kor hagen befinn seg, Sygard Aukrust. 

​

På same areal som markedshagen har det vore dreve kjøkenhage gjennom fleire generasjoner, både til sjølvberging og til salg. I tillegg har det i mange generasjonar vore beite for husdyr, som har bidratt til å bygge opp matjorda det dyrkast i.

​

For å lykkast er ein avhengig av god dyrkningsjord og ivaretagelse av denne. ​Dei kortreiste grønsakene er dyrka på ein måte som skal ivareta jordlivet, og legge til rette for god matjord og produksjon i framtida. Eg ynskjer å jobbe for å fremme større biologisk mangfold og minimere forstyrring av livet i jorda. Det blir ikkje brukt sprøytemidlar og kunstgjødsel. Det blir i stor grad nytta norskproduserte frø, og eg aler opp småplantene sjølv.

​

Sal av grønsakene går føre seg via direkte sal til private kunder og bedriftskunder. Private kunder kan handle gjennom sjølvbetjeningsbu eller via lokalmatbutikken Smak i Lom.

​

​